La meza galina

Na ‘olta, a Nadal, gaveene el predicator. Don Luigi el le mantegnea par oto giorni e la zente la gavea da portarghe calcossa in canonica. A ghe stà na olta so pora mama de Luigi Stopa, che la ga portà solo meza galina. Don Luigi la dominica dopo el la dito in ciesa. “A ghè de quele, come la ….., che le a portà solo meza galina parchè una intiera l’era massa!”. Forse chel’altra meza la se la magnà ela.
Mi no go mai dato gniente.
A parte che o mantegnuo par conto mio du fioi, orfani, e quatro dei mei e mai nissuni che m’abia dato ‘na man. Mai nissun a Tarmassia che m’abia dito: “Pina, arda sta giacheta: a me fioi non la ghe va più ben, porteghela a Zelino!”. Mi la carità de Dio lo fata e anca massa!