 Durante el periodo de la seconda guera mondiale a Tarmasia serene pieni de partigiani. Ghe n’era tanti che scondea ne la so casa, ne la stala, nel fenil, nel granar partigiani. Anca el prete, don Luigi, el ghe n’avea uno. El se scondea de giorno e a la sera el vegnea fora.
Nissuni i savea che ghera partigiani a Tarmasia anca parchč in Vila dal Conte ghera i tedeschi e bisognava star atenti.
Tanti i gavea i partigiani, ci uno, du, tri e a olte anca de pi’. In casa de Giovani Stopa ghe n’era tri, ne la casa dela Maria Giordani du, Boschini el ghe n’avea uno.
Quel de Boschini l’era un brao omo, el se ciamava Credindio ma non l’era mia daequa. El vegnea da Firenze, da Roma... bho non me ricordo mia ben. El fasea el barbier e l’era anca brao, ghe portava sempre i me butini a tajarse i cavei! Ghe n’era tanti che ‘ndasea da lu! Bisognava star atenti pero’ parche’ i tedeschi indava in zerca dei partigiani.
Na olta me ricordo che i avea gira’ tute le case e iera riussii a catarghene zinque-sie. I avea porte’ tutti in piazza e i avea fati metar tuti poste’ a la rete dela Fornara (Negrini). Gavea na paura che ie’ copesse. Tutti i le disea: “adeso ie’ copa, adeso ie’ copa!”, inveze dopo ia’ porte’ ja... ma cissa’ indoe.
El barbier el savea salva’ pero’. Dopo la guera el savea trasferio a Verona parche’ el savea cata’ na dona da de qua. Tanti che ndava a Verona i disea che i le catava; mi non lo’ piu’ visto.
|
Oggi
pensionato